काठमाडौं । जिल्ला प्रशासन कार्यलय काठमाडौले आवश्यक कागजात पुगे एक घण्टामै सेवाग्राहीलाई नागरिकता दिने भएको छ ।
काठमाडौ प्रशासनले विहिवारदेखि ‘टाईम कार्ड’ लागु गरेको छ । प्रमुख जिल्ला अधिकारी घनश्याम उपाध्यायका अनुसार बिहीबारदेखि लागू हुने गरी १० किसिमका सेवामा टाइम कार्ड लागू गरिएको हो ।
प्रमुख अधिकारका अनुसार नागरिकताको लागि आवश्यक कागजात पुगे १ घण्टाभित्र नागरिकता, ३० मिनेटभित्र संस्था नविकरण, नावालक परिचयपत्र हुने छ ।
त्यसैगरी राहादानी १५ मिनेटभित्र १५ मिनेटभित्र उपलव्ध गराउने छ । मुद्दा सम्बन्धी पेशी तोक्ने र तारेख दिने कामका लागि ३० मिनेट लगायतको सुविधा सेवाग्राहीलाई काठमाडौं प्रशासनले दिने भएको छ ।
सेवाग्राहीले घण्टौं लाईन लागेर सेवा लिनु पर्ने, समयमा काम नहुने जस्ता गतिविधीहरुले हैरान सर्वसाधरणले राहात पाउने विश्वास गरिएको छ ।
यस अघि प्रधानमन्त्री पुष्पकमल दाहालले विभागका सचिवहरुलाई लाईन लागरे सेवा लिनु पर्ने अवस्थाको अन्त्य गर्न निर्देशन दिएको थियो ।
Categorized in समाज
