काठमाडौं । काठमाडौं उपत्यकामा विहिवारदेखि सार्वजनिक सवारीमा नयाँ भाडादर लागु भएको छ ।
वाग्मती प्रदेश श्रम रोजगार तथा यातायात मन्त्रालयले लागू हुनेगरी भाडादर घटाएको हो ।
यसअघि आयल निगमले पेट्रोल तथा डिजेलको मूल्य घटाएकाले मन्त्रालयले सोअनुसार मूल्य समायोजन गरेको हो ।
नयाँ भाडादरको सूचीअनुसार बस चढेपछि पहिलो ५ किलोमिटरसम्मको दूरीको भाडा १८ रुपैयाँ कायम भएको छ । यसअघि यो दर १९ रुपैयाँ थियो ।
त्यस्तै १० किलोमिटरसम्मको दूरीको भाडा २४ रुपैयाँ, १५ किलोमिटरसम्मको भाडा २९ रुपैयाँ, २० किलोमिटरसम्मको भाडा ३२ र २० किलोमिटरभन्दा माथिको भाडा दर ३७ रुपैयाँ तोकिएको मन्त्रालयले जनाएको छ ।
भाडादर भने पूर्ण रुपमा कार्यान्वयन हुन नसकिरहेको अवस्था छ । यस अघि घटाएको भाडादरमा पनि बढेकै मूल्य लिइरहेको पाएको छ ।
भाडादर सुचीः
Categorized in बजार