काठमाडौं । काठमाडौं उपत्यकामा मंसिर ४ गते निर्वाचनका दिन सार्वजनिक सवारी चलाउन नपाउने भएको छ ।
सो दिन बिहान ४ गतेदेखि बेलुकी ७ बजेसम्म उपत्यकामा सवारी आवागमन बन्द गर्ने निर्णय गरिएको काठमाडौँका प्रजिअ घनश्याम उपाध्यायले बताए ।
बुधवार निर्वाचमा शान्ति सुरक्षालाई दुष्टिगत गरी काठमाडौं, ललितपुर र भक्तपुरका प्रमुख जिल्ला अधिकारीहरुको बैठकले सवारी साधन सञ्चालनमा रोक लगाउन निर्णय गरेको हो ।
त्यसैगरी सवारी साधनको व्यवस्थापन गर्ने, मदिराको ओसारपसार, बिक्री वितरण र सेवनमा रोक लगाउने निर्णय गरेको छ ।
अत्यावश्यक सेवाबाहेक मंसिर १ र २ गते तीनवटै जिल्ला प्रशासनको सेवा बन्द गर्ने निर्णय भएको छ ।
खानेपानी, विद्युत, एम्बुलेन्स, दमकलजस्ता अत्यावश्यक सवारी साधन भने सञ्चालन हुनेछन ।
Categorized in राष्ट्रिय
