काठमाडौं आउँदै गरेको बस त्रिशुलीमा खस्दा ७ जनाको मृत्यु
काठमाडौं । रूपन्देहीबाट काठमाडौं आउँदै गरेको एक यात्रुबहाक बस त्रिशुलीमा खस्दा अहिलेसम्म ७ जनाको मृत्यु भएको खबर छ ।
प्रहरीका अनुसार बुधवार विहान सिद्धार्थ यातायातको लु २ ख २१२१ नम्बरको बस बिहान ४ः४० बजे धादिङको गजुरी गाउँपालिका–५ घाटबेशीस्थित सडकबाट सय मिटर तल त्रिशूली नदीमा खस्दा दुर्घट्ना हुन पुगेको हो ।
सो दुर्घट्नामा परि घाइेते ३६ जनालाई उद्धार गरी उपचारको लागि काठमाडौं र चितवन पठाइएको प्रहरीले बताए ।
मृत्यु हुनेमा १ जना महिला र ६ जना पुरूष छन भने बस नदीमा आधा डुबेकाले मृतकको सङ्ख्या बढ्न सक्ने प्रहरीको अनुमान छ ।
सशस्त्र प्रहरी बल, विपद् व्यवस्थापन तालिम शिक्षालय कुरिनटार चितवनको टोली पनि उद्धारमा जुटिरहेको छ ।
प्रहरीले सो बसका चालक रुपन्देही लुम्बिनी संस्कृति नगरपालिका –९ का ३८ वर्षीय हरिराम हरिजनलाई नियन्त्रणमा लिएको छ ।
दुर्घट्नाको कारण थप अनुसन्धानपछि थाहा हुने प्रहरीले जनाएको छ ।
Categorized in समाज
