काठमाडौं । काठमाडौं महानगरपालिका–२७, कान्तिपथमा कारले स्कुटरलाई ठक्कर दिँदा एक जनाको मृत्यु भएको छ भने दुई जना घाइते भएका छन ।
बीएबी ५७२४ नम्बरको कारले बा. ८२ प २०८८ नम्बरको स्कुटरलाई ठक्कर दिँदा ओखलढुङ्गा, लिखु गाउँपालिका–९ का ३४ वर्षीय स्कुटर चालक सन्तोष खड्काको निधन भएको प्रहरीले जनाएको छ ।
बुधबार राति भएको दुर्घटनामा गम्भीर घाइते भएका उनलाई उपचारका लागि केएमसी अस्पताल भर्ना गरिएको थियो ।
तर, उपचारका क्रममा बिहीबार बिहान उनको मृत्यु भएको हो ।
दुर्घटनामा स्कुटरमा सवार अन्य दुई जना घाइते भएका छन । तीमध्ये एकजनाको उपचार केएमसीमै र अर्कोको टिचिङ अस्पतालमा उपचार भइरहेको प्रहरीले जनाएको छ ।
दुर्घटनाबारे थप अनुसन्धान भइरहेको प्रहरीले बताएको छ ।
Categorized in समाज
