काठमाडौं । काठमाडौं महानगरमा यो पटक राती एक बजेसम्म देउसी भैलो खेल्न पाउने भएको छ ।
महानगर प्रमुख बालेन्द्र साह (बालेन)ले देउसीभैलो राती १ बजेसम्म खेल्न सुरक्षा व्यवस्था मिलाएको बताएको छ ।
‘यो बर्ष काठमाडौ महानगर नगरप्रहरीले राती १ ू बजेसम्म सुरक्षाको लागि पेट्रोलिङको ब्यबस्था मिलाएको छौ र सोही समयसम्म मर्यादित भएर देउसी भैलो खेलीदिनु हार्दिक अनुरोध गर्दछौं ।’ प्रमुख साहले भने ।
बिगतको बर्षहरुमा कोभिडको कारण तथा सुरक्षाको कारणले गर्दा तिहारमा देउसी भैलो खेल्ने समय काठमाडौ महानगर भित्र राती ९ बजे सम्म मात्र खेल्न अनुमती दिइएको उनले बताए ।
प्रमुख साहले नेपाल प्रहरी तथा जिल्ला प्रशासन कार्यालयलाई सुरक्षाको प्रबन्ध मिलाउन अनुरोध गरेका छन ।
Categorized in सम्पदा/संस्कृति