काठमाडौंमा मेलम्चीको १७ करोड लिटर पानी वितरण गरिने
प्रकाशित: शुक्रवार, १६ बैशाख २०७९, १८ः३० बजे
- महानगरखबर
काठमाडौं । काठमाडौंमा मेलम्चीले १७ करोड लिटर पानीको वितरण गर्ने भएको छ ।
काठमाडौं उपत्यका खानेपानी लिमिटेड (केयूकेएल)ले आइतबारदेखि यो परिमाणको मेलम्चीबाट काठमाडौं आउने जनाएको छ ।
केयूकेएलका अनुसार १७ करोड लिटर पानीको वितरण सुरु भएपछि काठमाडौंमा दैनिक वितरण हुने पानीको परिमाण २७ करोड लिटर पुग्नेछ ।
केयूकेएलका प्रवक्ता प्रकाश राईका अनुसार ११ वैशाखदेखि मीनभवनबाट काठमाडौंमा मेलम्चीको पानीको पुनः वितरण सुरु भएको थियो ।
अहिले मीनभवन, महाँकालचौर, खुमलटार, अनामनगर, बालाजु, महाराजगञ्ज लगायतका वितरण केन्द्रमार्फत अहिले मेलम्चीको पानी वितरण भइरहेको छ ।
Categorized in समाज
