काठमाडौं । काठमाडौंको विभन्न स्थानमा महिलाहरुलाई लक्षित गरी सुनको सिक्री लुट्ने चार जनालई प्रहरीले पक्राउ गरेको छ ।
काठमाडौं उपत्यका अपराध अनुसन्धान कार्यालयले उनीहरुलाई आईतवार सार्वजनिक गरेको छ ।
प्रहरीले उनीहसँग लुटपाटमा प्रयोग भएका २ वटा चोरीकै मोटरसाइकलसहित पक्राउ गरेको छ भने लुटेको सुन किन्ने असनमा सुन पसल चलाउने भारतीय पश्चिम बंगालमा ४२ बर्षका श्रीकान्त माईतीलाई पनि नियन्त्रणमा लिएको छ ।
पक्राउ पर्नेमा रामेछापको लिखु– १ दुरागाउँ घर भएका ३२ वर्षीय रविन दमाई, सुनसरी धरानका रवि विश्वकर्मा, काभ्रे पाँचखालका उमेश क्षेत्री, धनकुटा लेगुवाका राहुल माझी छन ।
सुनको सिक्री लुटपाटका मुख्य योजनाकार रविन दमाई भएको प्रहरीले जनाएको छ । मोटरसाईकलमा रेकी गरी साँझ विहानपख वाक गर्ने महिलाहरुलाई टार्गेट गरी सुन लुटने गरेको प्रहरीले जानकारी दिए ।
असार १ गतेदेखि २० गतेसम्म उनीहरूले टोखा, नार्गाजुन नगरपालिकाको बुद्धचोक, काठमाडौं ३ चक्रपथ बंगलामुखी मन्दिर नजिक, काठमाडौं १५ चागलमा गरी ८ स्थानमा महिलाको सुनको सिक्री लुटेका थिए ।
प्रहरीले उनीहरुलाई सिसिटिभीको फुटेज अध्ययन गरी पक्राउ गरेको थियो ।
Categorized in समाज
