काठमाडौं । शुक्रबार काठमाडौं उपत्यका विभिन्न शिवालय, शिव मन्दिरहरुमा महाशिवरात्रि पर्व पुजा आर्चना गरी मनाइएको छ ।
यस अवसरमा आज पाशुपत क्षेत्रमा भगवान शिवको विशेष अनुष्ठान र पूजा अर्चना हुने गर्दछ ।
त्यसैगरी, काठमाडौंको हनुमानढोकास्थित मखनमा शिव मन्दिरमा पनि दर्शानार्थीहरुको धेरै घुइचो देखिएको छ ।
वैदिक सनातन हिन्दु धर्मावलम्बीहरू आज बिहानैदेखि नदी, कुण्ड र तलाउमा स्नान गरी शिवालयमा गई श्रद्धाभक्तिपूर्वक पूजा–आराधना गर्ने परम्परा छ ।
शिवको पूजा गर्नेहरुको आज बिहानैदेखि काठमाडौंको पशुपतिनाथ, ललितपुरको कुम्भेश्वर, भक्तपुरको डोलेश्वर लगायतका मन्दिरहरूमा दर्शनार्थीहरुको घुइँचो छ ।
आज भक्तजनहरू व्रत बस्ने तथ भगवान शिवको प्रिय वस्तु दूध, धतुरो र बेलपत्र चढाएर पूजाअर्चना गर्छन ।
भगवान महादेवलाई आज जाडो हुने जनविश्वासले प्रत्येक घर, चोक र मठ–मन्दिरमा दाउरा मागेर धुनी जगाइ भजनकीर्तनका साथ सोही आगोमा प्रसाद बनाइ खाने पनि चलन रही आएको छ ।
तस्वीर:बिज्जु श्रेष्ठ/महानगरखबर
Categorized in सम्पदा/संस्कृति