काठमाडौंमा आज मनाइयो गाईजात्रा ! (फोटो फिचर)
काठमाडौँ । आज काठमाडौंमा गाईजात्रा पर्व मनाइएको छ ।
काठमाडौंवासीले आज विशेष रुपमा गाईजात्रा मनाएको हो । हिजोे भक्तपुर र ललितपुरका विभिन्न स्थानमा गाईजात्रा मनाइएको थियो ।
पञ्चाङ समितिले शुक्रवार नै जनैपुर्णिमा र गाईजात्रा परेकोले सोही अनुुसार गर्न भनेको थियो ।
काठमाडौं उपत्यकाका नेवार समुदायले मनाउने यो पर्व भाद्र कृष्ण प्रतिपदादेखि अष्टमीसम्म आठ दिन चल्छ । गाईजात्रामा एक वर्षभित्र दिवंगत आफन्तको सम्झनामा गाईलाई बजार परिक्रमा गराइन्छ ।
मानिसलाई गाईका रूपमा सिँगारी आआफ्नो इलाकामा परिक्रमा गराइने र उनीहरूलाई दूध, फलफूल, रोटी, चिउरा, दहीका साथै अन्न र द्रव्य दान गर्ने परम्परा पनि छ ।
मल्लकालमा छोरोको निधन भएपछि शोकमा डुबेकी रानीलाई सान्त्वना दिन राजा प्रताप मल्लले सन्तान गुमाएका परिवारले गाईजात्रा निकाल्ने परम्परा बसाएको मानिन्छ ।
तस्वीरहरुः बिज्जु श्रेष्ठ/अन्जितमान सिंह डंगोल/महानगरखबर
Categorized in सम्पदा/संस्कृति
