काठमाडौं । काठमाडौं उपत्यकाभित्र अब सार्वजनिक सवारीसाधनले जथाभावी यात्रु चढाउने र ओराल्ने काम गर्न पाउने छैनन ।
यातायात व्यवस्था विभागले तोकिएको स्थानबाहेक सवारी रोकी यात्रु चढाउने वा ओराल्ने चालकलाई कानुनअनुसार कारबाही गर्ने जनाएको छ ।
बढ्दो सवारी चाप, अव्यवस्थित सहरीकरण र सडक पूर्वाधार अभावकै कारण यातायात व्यवस्थापनमा समस्या देखिएको विभागको भनाइ छ ।
समस्या समाधानका लागि तोकिएका स्थानमै मात्र यात्रु चढाउने–ओराल्ने व्यवस्था लागू गर्न लागिएको विभागले जनाएको छ ।
यस्तै, तोकिएको स्थानमै पनि अनावश्यक ढिला गरी यात्रु कुर्ने सार्वजनिक सवारीलाई समेत कारबाही हुने चेतावनी विभागले दिएको छ ।
Categorized in स्थानिय
