काठमाडौं । काठमाडौंबाट दिक्तेल गएको बस हलेसीमा दुर्घट्ना हुँदा एकको मृत्यु १४ घाईते भएका छन ।
गए राति ११ बजे हलेसी तुवाचुङ नगरपालिका–७ रिट्ठाबोटेमा दुर्घटना हुँदा दिक्तेल रुपाकोट मझुवागढी नगरपालिका–७ दोर्पाचिउरीडाँडाका ३२ वर्षीय प्रजबहादुर राईको मृत्यु भएको प्रहरीले जनाएको छ ।
ना४ख ७४११ नंको बसमा चालक र सहचालक सहित १५ जना सवार रहेका थिए ।
जिल्ला प्रहरी कार्यालय खोटाङका प्रहरी नायब उपरीक्षक राजकुमार केसीका अनुसार दुर्घटनामा गम्भीर घाइते बनेका राईको एम्बुलेन्समार्फत उपचार गराउन जिल्ला अस्पताल दिक्तेल ल्याउने क्रममा बाटैमा मृत्यु भएको हो ।
घाइतेमध्ये चालकसहित सातलाई थप उपचारका लागि काठमाडौँको त्रिवि शिक्षण अस्पताल ल्याएको छ भने अन्य छ जनालाई जिल्ला अस्पताल दिक्तेलमा उपचार भईरहेको छ ।
Categorized in समाज
