काठमाडौं । काठमडौंको तारेकश्वर नगरपालिका – ७ स्थित दुई कुखुरा पोल्ट्रीफार्ममा बर्डफ्लु संक्रमण भएको कुखुरा भेटिएको छ ।
बस्नेत टोलका श्यामसन्दुर बस्नेतको सागर पोल्ट्रीफार्म र श्यामकुमार बस्नेतको आकाश पोल्ट्रीफार्मका कुखरामा बर्डफ्लु भेटिएको नगर पशुशाखा प्रमुख डा. जयप्रकाश राय यादवले पुष्टि गरेका छन ।
बर्डफ्लु भेटिएपछि २८ हजार कुखुरा नष्ट गरिएको डा. यादवले बताए ।
डा. यादवका अनुसार बर्डफ्लु भएको पुष्टि भएपछि सो प्रभावित क्षेत्रमा रहेका पोल्ट्रीफार्मका कुखुरा नष्ट गर्ने काम भइरहेको छ ।
त्यसैगरी संक्रमण फैलिएकोले अन्य पोल्ट्रीफार्मका कुखुरामा पनि बर्डफ्लुको लक्षण देखिएको छ ।
Categorized in स्वास्थ्य