कांग्रेस सभापतिमा देउवाको जित, अन्य पदाधिकारीहरुको आजैबाट मतगणना गरिने
काठमाडौं । नेपाली कांग्रेसका सभापतिमा शेरबहादुर देउवा निर्वाचित भएका छन ।
मंगलबार भएको दोस्रो चरणको मतदानमा देउवाल २ हजार ७३३ मत पाएर सभापतिमा निर्वाचित भएका छन । उनका प्रतिस्पर्धी शेखर १ हजार ८५५ मत पाए ।
कोइरालालाई ९०७ मतान्तरले पराजित गर्दै देउवा दोस्रो कार्यकालका लागि सभापति चुनिएका हुन । दोस्रो चरणको मतदानमा ४ हजार ६२३ मत खसेको थियो ।
नेपाली कांग्रेसको महाधिवेशनमा निर्वाचन भएको अन्य पदाधिकारी र केन्द्रीय सदस्यहरुको मतगणना बुधबारबाट शुरु हुने भएको छ ।
निर्वाचन समितिका संयोजक गोपालकृष्ण घिमिरेका अनुसार मतगणना बुधबार अपरान्हदेखि शुरू हुनेछ ।
पुस ५ गते भित्र सबै मत परिणाम सार्वजनिक भइसक्ने उनले बताए । मंसिर २४ गतेदेखि नेपाली कांग्रेसको १४ औं महाधिवेशन सुरु भएको थियो ।
Categorized in राष्ट्रिय
