कांग्रेस सभापतिको लागि देउवा र कोईरालविच पुनः मतदान हुने
काठमाडौं । सभापति पदको लागि शेरबहादुर देउवाले बहुमत पुराउन नसकेपछि पुनः मतदान हुने भएको छ ।
पहिलो चरणको निर्वाचनमा देउवाले कांग्रेसको विधान अनुसार ५० प्रतिशत कटाउन नसकेपछि दोस्रो चरणको मतदानमा जानु परेको हो ।
मंगलबार विहान सकिएको मतदान परिणाम अनुसार देउवाले २२५८ मत प्राप्त गरेका छन । सभापति पद जित्नको लागि २३४० मत आवश्यक हुन्छ ।
सभातिका अर्का उम्मेदवार शेखर कोईरालाले १७०२, प्रकाशनमा सिंहले ३७१, विमेलेन्द्र निधिले २५० र कल्याण गुरुङले २२ मत प्राप्त गरेका छन ।
महाधिवेशनका ४ हजार ७ सय ४३ प्रतिनिधिहरूमध्ये ४ हजार ६ सय ७९ मत खसेको थियो । जसमध्ये ७७ मत बदर भएको थियो ।
कांग्रेसमा यसपटक सभापति १, उपसभापति २, महामन्त्री २ र सहमहामन्त्री ८ सहित १३४ पदका लागि निर्वाचन भएको छ ।
सभापतिको परिणाम आएपछि मात्रै बाँकी पदको मतगणना हुनेछ ।
Categorized in राष्ट्रिय
