काठमाडौं । नेपाली कांग्रेसले प्रतिनिधिसभामा ३३ प्रतिशत पुुराउन सामनुपातिकतर्फबाट २९ जना ल्याउनु पर्ने छ ।
संवैधानिक व्यवस्था अनुसार संघीय संसदमा ३३ प्रतिशत महिलाको उपस्थिति सुनिश्चित गर्नका लागि संघीय संसदमा प्रतिनिधित्व गर्ने हरेक राजनीतिक दलले एक तिहाई महिला पठाउनै पर्ने बाध्यकारी प्रावधान छ ।
पछिल्लो मतपरिणाम अनुसार प्रत्यक्षमा ५५ र समानुपातिकमा ३२ सिट गरेर ८७ सिट पुुगेको छ । बाजुरा र स्याङ्जा २ मा मतगणना जारी छ। त्यहाँ कांग्रेसका उम्मेदवार निर्वाचित भएको परिस्थितिमा प्रत्यक्षमा कांग्रेसको ५७ सिट पुग्ने संभावना छ ।
प्रतिनिधिसाभा कांग्रेसका तेह्रथुमबाट १ जना महिला सीता गुरूङ मात्र बिजयी भएकी छिन । संघीय संसद भन्नाले प्रतिनिधिसभा र राष्टिय सभा सम्मिलित संसदलाई बुझिन्छ ।
जस अुनसार राष्टिय सभामा कांग्रेसका १० जना संसद छन । महिला ३ जना रहेको छ । समग्र हिसाव गर्दा कांग्रेसको ९७ सांसद हुने देखिन्छ । ९७ मा ३३ प्रतिशत महिलाको संसदका उपस्थित गराउनु पर्ने देखिन्छ ।
यस अनुसार कांग्रेसले ३३ प्रतिशत पुराउन समानुपाति सुचिबाट २९ जना महिला संसद चयन गर्नु पर्ने देखिन्छ ।
Categorized in राष्ट्रिय
