कांग्रेसले राष्ट्रिय सभाका अध्यक्ष पदको उम्मेदवारी दिने
प्रकाशित: शनिवार, २६ फागुन २०८०, १७ः५० बजे
- महानगरखवर
काठमाडौं । नेपाली कांग्रेसले राष्ट्रिय सभाको अध्यक्षमा उम्मेदवारी दिने निर्णय गरेको छ ।
शनिवार सभापति शेरबहादुर देउवाको निवास बूढानिलकण्ठमा बसेको पदाधिकारीको बैठकले अध्यक्षमा उम्मेदवारी दिने निर्णय गरेपनि उम्मेदवारको नामको विषयमा निर्णय गरेको छैन ।
कांग्रेस नेता तथा सांसद अर्जुन नरसिंह केसीका अनुसार कांग्रेसले विपक्षमा रहेका अन्य दलसँग पनि राष्ट्रिय सभाको अध्यक्षमा सहयोग खोज्न छलफल गर्ने निर्णय गरेको छ ।
अहिले राष्ट्रिय सभाका अध्यक्ष फागुन २० गते रिक्त भएको थियो । सभा अध्यक्ष गणेशप्रसाद तिमिल्सनाको पदावधि सकेपछि सो पद खाली भएको हो ।
Categorized in राष्ट्रिय
