काठमाडौं । काठमाडौंको कमलादीस्थित प्रज्ञा भवन नजिकै गएराति १ः१५ बजे स्कुटर दुर्घटना हुँदा एक युवतीको मृत्यु भएको छ ।
बागमती प्रदेश ०२–०३४ प ३४५८ नम्बरको स्कुटर दुर्घटनामा परेकी युवतीको नाम समीक्षा रिजाल रहेको छ ।
जिल्ला प्रहरी परिसर काठमाडौंका प्रवक्ता एसपी अपिलराज बोहराका अनुसार मृत्यु हुने समीक्षा रिजाल उदयपुरको त्रियुगा नगरपालिका–१३ घर भएकी हुन् र हाल काठमाडौंको बनस्थलीमा बस्दै आएकी थिइन ।
दुर्घटनापछि गम्भीर घाइते भएकी उनलाई उपचारका लागि ट्रमा सेन्टर लगिएको थियो ।
उपचारका क्रममा राति २ः१५ बजे उनको मृत्यु भएको प्रहरीले जनाएको छ ।
प्रहरी घटनाको थप विवरण संकलन गरिरहेको छ।
Categorized in समाज
