कमलाक्षीदेखि हनुमानढोका सम्म ‘महसुस यात्रा’ !
काठमाडौँ । काठमाडौं महानगरपालिकाको सम्पदा तथा पर्यटन विभागले कमलाक्षीदेखि हनुमानढोकासम्म महसुस यात्रा (न्यासी वने नुु) गरिएको छ ।
मंसिर २९ गते हुन गईरहेको २८ औं महानगरदिवसको अवसरमा आयोजित यात्रामा महानगरवासीहरुको उल्लेखिय सहभागिता रहेको थियो ।
यात्रामा काठमाडौं महानगरपालिका प्रमुख बालेन्द्र साह (वालेन), महानगर प्रवक्ता एंव १७ वडा अध्यक्ष नविन मानन्धर, २७ वडा अध्यक्ष योगेन्द्र खड्गी, संस्कृति पर्यटन समितिका संयोजक तथा ८ वडा अध्यक्ष आशमान संगत लगायतका महानगरका कर्मचारी लगायतको उपस्थितमा कमलादेखि यात्रा सुरु गरिएको थियो ।
महानगर प्रवक्ता मानन्धरका अनुसार यस किसिमको यात्राले सम्पदा संरक्षण, मर्मत सम्भार तथा व्यवस्थापनका लागि पृष्ठपोषण दिने बताए ।
उनले सम्पदा क्षेत्रमा हिँड्ने यात्रीले मठमन्दिर, डवली, चोक र गल्लीलाई कुरा बुझ्छन ? राजनीतिक, सांस्कृतिक तथा पुरातात्विक महत्व भएका भौतिक संरचनालाई कसरी महसुस गर्छन ? ती सम्पदासँग जोडिएका कथा, किंवदन्ती र इतिहासलाई कुन स्वरुप भेट्छन, थाहा पाउन यस प्रकारको कार्यक्रम आयोजना गरिएको जानकारी दिए ।
महसुस यात्राको सुरु विन्दुमा रुटमा पर्ने स्थानको विवरण र संक्षिप्त चिनारी दिइन्छ । यसपछि व्यक्तिहरु एक्ला एक्लै यात्रा गरेर महसुस गर्नुपर्छ । आजको परिचयात्मक कार्यक्रम भएकोले सुरु विन्दुदेखि अन्तिम विन्दुसम्म सहभागीहरु समूहमा हिँडेका हुन ।
वडा २७ का अध्यक्ष योगेन्द्र खड्गीले काठमाडौँको भित्री सहरमा भएका भौतिक संरचनासँग सामाजिक जीवनको आत्मीय सम्बन्ध छ । यो सम्बन्धलाई यात्रामा हिँड्नेले पञ्चेन्द्रियबाट महसुस गर्नुपर्ने बताए ।
यात्रामा सहभागीहरुले भिडियो निर्माण गर्नु हुनेछ । यसरी निर्माण गरिएको भिडियोमध्ये उत्कृष्टलाई पुरस्कृत गर्ने सम्पदा तथा पर्यटन विभागकी उपनिर्देशक श्रृजु प्रधानले बताए ।
भित्री सहरी क्षेत्रको सामाजिक व्यवस्था, परम्परागत बजार, भवनहरुको निर्माण ढाँचालाई गहिरो रुपमा महसुस गर्न सकिने यात्रामा सहभागीहरुको भनाई छ ।
Categorized in सम्पदा/संस्कृति
