काठमाडौं । काठमाडौं ममहानगरपालिकाले कमलपोखरीमा रहेको स्पोर्टस क्लबको भवन, र राधे–राधेको सत्संग र प्रहरी भवन भत्काएको छ ।
आईतवार अपरान्ह महानगरपालिको उक्त संरचनाहरुमा डोजर चलाएर भत्काई दिएको छ । महानगरपालिकाको टोलीले पोखरीको डिलमा रहेका भवनहरु भत्काएको हो ।
महानगरपालिकाका प्रमुख प्रशासकीय अधिकृत राजेश्वर ज्ञावालीलका अनुसार कमलपोखरीलाई खुला गर्ने योजना अनुसार नै उक्त संरचनाहरु भत्काईएको हो ।
उनले भने, ‘वरपर ढुंगा बिछ्याएर कमलपोखरी खुला गर्न पूर्वयोजना अनुसार नै भवनहरु भत्काएका हौं । गुरुयोजना अनुसार कमलपोखरी बनाउन भवन भत्काउनुपर्ने थियो ।’
अब पोखरीको चारैतिरका कुनामा काठको कलात्मक मण्डप पनि बनाउने र पूर्वतर्फ पोखरी हेर्न मिल्ने कलात्मक संरचना पनि बन्ने ज्ञवालीले जनाकारी दिए ।
पछिल्लो समय कमलपोखरीमा कंक्रिटको ठाउँमा सिमेन्ट प्रयोग गरेको भन्दै सम्पदा अभियान्ताहरुले विरोध गर्दै आएको छ भने अहिले पुननिर्माण काम प्रभावित बन्न पुगेको छ ।
Categorized in स्थानिय