काठमाडौं । नेपाल क्रिकेट संघ (क्यान) ले नेपाल प्रिमियर लिग (एनपीएल) को टिकट विक्री सुरु गरेको छ ।
क्यानका अनुसार सोमबारबाटै टिकट विक्री सुरु गरिएको हो । दिनको टिकटदर साधरणतर्फ ३ सय र भीआईपीतर्फ ७ सय रुपैयाँ राखिएको छ ।
राउन्ड रोबिन लिगमा अन्य दिनको टिकटदर ३ सय र ५ सय तोकिएको छ । एउटै टिकटले दुवै खेल हेर्न पाउने क्यानले जनाएको छ ।
त्यस्तै, प्लेअफको ५ सय र ७ सय तथा फाइनलको ५ सय र १ हजार तोकिएको छ । सिजनल टिकटको साधारणतर्फ ४ हजार ४ सय ८० र भीआईपीतर्फ ८ हजार २ सय ४० रुपैयाँ तोकिएको छ । सिजनलमा २० प्रतिशत छुट दिइएको जनाइएको छ । क्यानले खल्ती एपबाट टिकट बिक्री गरिरहेको छ ।
उद्घाटन खेल विराटनगर किंग्स र जनकपुर बोल्ट्सबीच हुनेछ । मंसिर १५ देखि पुस ६ गतेसम्म प्रतियोगिताका सबै खेल त्रित्रि क्रिकेट मैदान कीर्तिपुरमा हुनेछ ।
Categorized in मनोरन्जन
