काठमाडौं । शुक्रवार कलंकीमा मोटरसाइकल दुर्घटनामा घाईते भएको २ जनाको मृत्यु भएको छ ।
काठमाडौं– १४ कलंकी सीता पेट्रोल पम्प नजिकै रोकिराखेको ट्रकमा मोटरसाइकल ठोक्किँदा गम्भीर घाईते भएका काठमाडौं–२१ बसन्तपुर दलाछिका ३१ वर्षीय सुनोजमान डंगोल र ललितपुर गोदावरी नगरपालिका–१४ बाडेगाउँका २२ वर्षीय अभिषेक महर्जनको उपचारको क्रममा मृत्यु भएको प्रहरीले जनाएको छ ।
जिल्ला प्रहरी परिसर काठमाडौंका अनुसार सडक छेउमा रोकेको बा प्र ०३–००१ ख २०४० न.को ट्रकमा कलंकीबाट बल्खुतर्फ जाँदै गरेको प्र।न।३–०२–००३ प ८८८८ न. को मोटरसाइकल ठोक्किएको थियो ।
अनियन्त्रित भएर ठोक्किँदा मोटरसाइकलमा सवार दुई जना गम्भीर घाइते उनीहरू दुबै जनाको टिचिङ अस्पताल महाराजगन्जमा उपचारको क्रममा मृत्यु भएको हो।
प्रहरीले ट्रक, मोटरसाइकल र मकवानपुर पदमपोखरि नगरपालिका–१२का ३४ वर्षीय ट्रक चालक सुकलाल महर्जनलाई नियन्त्रणमा लिएको छ ।
Categorized in समाज