ओली सरकारविरुद्ध आन्दोलनमा जाने कांग्रेसको चेतावनी
काठमाडौं । प्रमुख विपक्षी दल नेपाली कांग्रेसले प्रधानमन्त्री ओली सरकारविरुड आन्दोलनमा जाने चेतावनी दिएका छन ।
नेपाली कांग्रेसले १७ बुँदे राजनीतिक प्रस्ताव पारित गर्दै सरकारविरुद्ध आन्दोलनमा जाने चेतावनी दिएको हो ।
कांग्रेसले बुधवार पत्रकार सम्मेलन गरेर केन्द्रीय कार्यसमिति बैठकका निर्णयहरु सार्वजनिक गर्ने क्रममा सहमहामन्त्री प्रकाशशरण महतले सो चेतावनी दिएको हो ।
सहमहामन्त्री महतले आफूले अघि सारेका विषयमा गम्भीर हुन सरकारको ध्यानाकर्षण गराउँदै सरकार गम्भीर नभए सडक र सदनमा आन्दोलन गर्ने बताए ।
महतले भने,‘संविधानको मर्मभावना कुल्चिने, कर्मचारी संयन्त्र तहसनहस बनाउने, संवैधानिक निकायहरुलाई दुई तिहाईको बलमा छायाँमा राख्ने काम भयो भने हामी सडक र सदनमा आन्दोलनमा जान्छौं ।’
कांग्रेसले समानुपातिक समावेशीता, सभामुख र उपसभामुख फरक दलबाट हुनुपर्ने लगायतका संवैधानिक व्यवस्था कार्यान्वयन गर्न पनि सरकारसँग माग गरेको छ ।
Categorized in राष्ट्रिय
