एमाले अध्यक्ष ओली फिल्ममा अभिनय गर्दै
प्रकाशित: आइतवार, १४ माघ २०८०, १६ः१० बजे
- महानगरखवर
काठमाडौं । नेकपा एमाले अध्यक्ष केपी शर्मा ओली एक नेपाली फिल्ममा देखिने भएको छ ।
अभिनेता रमित ढुंगानाको डेब्यू निर्देशित फिल्म ‘नमेटिने घाउ’ मा अध्यक्ष ओलीले अभिनय गर्ने भएको हो ।
आइतबार काठमाडौंमा फिल्मको औपचारिक घोषणा गरिएको हो । सो फिल्ममा ओली प्रधानमन्त्रीको भूमिकामा प्रस्तुत हुनेछन ।
फिल्ममा तेजाब आक्रमणमा परेका किशोरी र महिलाको जीवनका कथालाई समेटिएको छ ।
एसिड आक्रमणमा परेकी मुस्कान खातुनको जीवनमा यो फिल्म आधारित रहनेछ । एसिड आक्रमणपछिको दृश्यमा मुस्कानकै अभिनय रहनेछ।
एसिड आक्रमण हुनुभन्दा अगाडिको पार्टमा भने रचना गौतम मुस्कान बन्ने छिन । उनले पनि यही फिल्मबाट डेब्यू गर्न लागेकी हुन ।
Categorized in मनोरन्जन
