काठमाडौं । नेकपा एमालले जाजरकोट भूकम्पीडितलाई अस्थायी आवास बनाउन स्वंसेवक खटाउने भएको छ ।
मंसीर १ देखि १ हजार स्वयंसेवक खटाउने बुधबार बसेको सचिवालय बैठकले निर्णय गरेको हो ।
पार्टी कार्यालय च्यासलमा बुधबार बसेको सचिवालय बैठकले भूकम्प प्रभावित जाजरकोट, रुकुम पश्चिम लगायत जिल्लामा मंसीर १ देखि स्वयंसेवक खटाउने निर्णय गरेको छ ।
पार्टी उपमहासचिव प्रदीप ज्ञवालीले ती स्वयंसेवक भूकम्प प्रभावितलाई अस्थायी आवास हस्तान्तरण गरेर फर्किने बताए ।
यस अघि एमालेले २०७२ मा भूकम्प गएका बेला स्वयंसेवक परिचालन गरी प्रभावितहरुका लागि २७ हजार आवास बनाइदिएको थियो ।
Categorized in राष्ट्रिय
