काठमाडौं । नेकपा एमालले आगामी बैशाख ३० गते हुने स्थानीय निर्वाचनको लागि उम्मेदवार छनौटको तयारी सुरु गरेको छ ।
मंगलबार अध्यक्ष केपी शर्मा ओलीको निवास बालकोटमा बसेको सचिवालय बैठकले सो तयारी गरेको हो । बैठकले वडा, गाउँपालिका, नगरपालिका, महानगरपालिका र उपमहानगरपालिका लागि उम्मेदवार छनौटको जिम्मेवारी तोकेको छ ।
महानगरपालिका र उपमहानगरपालिका लागि मेयर (प्रमुख) छनौट एमाले केन्द्रीय कमिटिले गर्ने एमाले प्रचार विभागका प्रमुख पृथ्वी सुब्बा गुरुङले बताए ।
उनका अनुसार वडाअध्यक्ष र वडासदस्यको उम्मेदवार जिल्ला कमिटीले टुंगो लगाउनेछ । गाउँपालिकाका अध्यक्ष र उपाध्यक्ष तथा नगरपालिकाका मेयर र उपमेयरको उम्मेदवार जिल्ला कमिटीको सिफारिसमा प्रदेश कमिटीले निर्णय गर्नेछ ।
उम्मेदवार छनोटको मापदण्ड भने केन्द्रीय कमिटीको ९ र १० चैतमा बस्ने बैठकलेतय गर्ने उनले जानकारी दिए ।
Categorized in स्थानिय