काठमाडौं । कपिलवस्तुको तौलिहवा अस्पतालमा कार्यरत एक स्वास्थ्यकर्मीलाई कोरोना संक्रमण देखिएको छ ।
अस्पतालका ९ जनामा स्वाब संकलन गरिएकोमा २५ बर्षीया स्वास्थ्यकर्मीमा कोरोना संक्रमण देखिएको हो । बाँकी ८ जनाको रिर्पोट नेगेटिभ आएको छ ।
कपिलवस्तु नगरपालिकाभित्र क्वारेन्टाइनमा बसेकाहरुको थ्रोट स्वाब संकलन गर्ने क्रममा तौलिहवा अस्पतालकी स्वास्थ्यकर्मीलाई पनि कोरोना पुष्टि भएको हो ।
स्वास्थ्य मन्त्रालयले मंगलबार सार्वजनिक गरेको विवरणमा कपिलवस्तुमा ८ जना संक्रमित थपिएकामा अस्पतालमा कार्यरत महिला स्वास्थ्यकर्मी रहेको जिल्ला स्वास्थ्य कार्यालय कपिलवस्तुले जनाएको समाचार अनलाईनखवरले प्रकाशित गरेको छ ।
उनी कार्यरत तौलिहवा अस्पतालमा स्थायी र करार गरी ६७ जना स्वास्थ्यकर्मीहरु काम गरिरहेका छन ।
Categorized in राष्ट्रिय