काठमाडौं । शनिवार विहान ललितपुरको एकान्तकुनामा बसले ठक्कर दिँदा मोटरसाइकल चालकको मृत्यु भएको छ ।
जिल्ला प्रहरी परिसरक ललितपुरका अनुसार ठक्करबाट मोटरसाइकल चालक गोरखा घर भई काठमाडौंको नैकाप बस्ने ३० वर्षीय संजीब अधिकारीको मृत्यु भएको हो ।
अधिकारीको उपचारको क्रममा दिउँसो अल्का अस्पतालमा मृत्यु भएको प्रहरीले जनाएको छ ।
ललितपुर महानगरपालिका–४ एकान्तकुना खरिबोटस्थित सडकमा बा २ ख ३४८ नम्बरको बसले बा ७९ प ६५३६ नम्बरको मोटरसाइकललाई ठक्कर दिएको थियो ।
मोटरसाइकलको पछाडि सवार महिलाको पनि अल्का अस्पतालमा उपचार भइरहेको ललितपुर प्रहरीले जनाएको छ ।
बस चालकलाई प्रहरीले नियन्त्रणमा लिई घट्नाको अनुसन्धान अघि बढाएको छ ।
Categorized in समाज
