काठमाडौं । उपत्यकाका आठ वटा सहकारीमा चोरी गरि हिड्ने चार जनालाई प्रहरीले विहिबार पक्राउ गरेको छ ।
काठमाडौं महानगरपालिका–१४ कलङकी चोकस्थित धादिङ मण्डली बचत तथा ऋण सहकारी संस्था लगायत उपत्यकाका अन्य बिभिन्न ८ बटा सहकारी संस्थाबाट नगद लगायतका बिभिन्न धनमाल चोरी कार्यमा संग्लनहरु पक्राउ परेको हो ।
पक्राउ पर्नेहरूमा काठमाडौं बौद्ध बस्ने धादिङ ज्वालामुखी गाउँपालिका– ७ चैनपुरका ३५ वर्षीय सुरेश भन्ने डण्ड बहादुर परियार, काठमाडौं स्यूचाटार बस्ने चितवन भरतपुर महानगरपालिका–३ का २४ वर्षीय कृष्ण थापा, काठमाडौं कपन वस्ने सिन्धुली तिनपाटन गाउँपालिका–७ का ३२ वर्षीय रामकाजी सुनुवार र काठमाडौं सानोभ¥याङ वस्ने भारत मोतिहारी खरुवा–७का २४ वर्षीय अवधेश शाह रहेका छन ।
काठमाडौं उपत्यकामा रहेका बिभिन्न सहकारी संस्थाहरुमा चोरीका घटनाहरुको अनुसन्धान गर्ने क्रमामा महानगरीय प्रहरी अपराध महाशाखाबाट खटिएको प्रहरीले उनीहरुलाई चोरी गरिएका विभिन्न धनमाल सहित पक्राउ गरेको हो ।
उनीहरुबाट प्रहरीले पानी तान्ने मेसिन ५ थान, सेफ २ थान, ल्यापटप २ थान, क्यामरा ४ थान, बिभिन्न बैंक तथा बित्तिय संस्थाहरुको चेकबुक १८ थान, चोरी गर्न प्रयोग भएको बा.२ ज ८५७ नम्बरको मारुती टयाक्सी र एलईडी टिभि १ थान बरामद गरेको छ ।
पक्राउ परेकाहरुलाई थप अनुसन्धान एवं कारवाहीको लागि महानगरीय प्रहरी परिसर काठमाडौं लगिएको छ ।
Categorized in सहकारी