इलेक्ट्रिक स्कुटर पनि यातायात विभागमा दर्ता हुनुपर्ने
काठमाडौं । अबदेखि इलेक्ट्रिक स्कुटर पनि यातायात विभागमा दर्ता गरी सञ्चालन गर्नुपर्ने छ ।
यातायात व्यवस्था विभागले इलेक्ट्रिक स्कुटरलाई अनिवार्य रुपमा दर्ता गर्नु पर्ने व्यवस्था गरेको हो ।
दुर्घटना न्युुनिकरण तथा सवारीको अभिलेखका लागि विभागले यो व्यवस्था गरेको जनाएको छ ।
विभागले सवारीलाई १५ दिनभित्र विभागमा दर्ता भएर बिलबुक र नम्बर प्लेट लिनु पर्ने प्रावधान जारी गरेको छ ।
हाल सञ्चालनमा रहेका त्यस्ता सवारीले असार ५ गतेसम्म यातायात व्यवस्था विभागमा दर्ता भएर बिलबुक र नम्बर प्लेट लिनु पर्नेछ ।
त्यसैगरी नयाँ नियमअनुसार विदेशबाट खरिद गरी ल्याएको तथा ग्राहकले किनेको १५ दिनभित्रै यस्ता सवारीसाधन यातायात व्यवस्था विभागमा अनिवार्य दर्ता गराउनु पर्नेछ ।
Categorized in बजार
