इलाम– २ उपनिर्वाचनका लागि एमाले उम्मेदवारहरुको नाम केन्द्रमा पेश
काठमाडौं । इलाम क्षेत्र न.२ मा आगामी बैशाख १५ गते हुन गईरहेको उपनिर्वाचनका लागि एमाले जिल्ला कमिटिले नामहरु प्रस्ताव गरेका छन ।
उपनिर्वाचनका कमिटिले सुहाङ नेम्वाङ, रवीन्द्र सुवेदी, बुद्धि खनाल, नरेन्द्रनाथ भट्टराई, देवी दुलाल र रिपल राईको नाम केन्द्रमा पठाएको हो ।
सुहाङ एमालेका स्व. उपाध्यक्ष सुवास नेम्वाङका छोरा हुन भने सुवेदी जिल्ला कमिटीका उपसचिव छन ।
एमालेले यसअघि उम्मेदवार सिफारिस गर्न जिल्ला उपाध्यक्ष उदयबहादुर राईको संयोजकत्वमा कार्यदल बनाएको थियो ।
त्यही कार्यदलले ६ जना आकांक्षी उम्मेदवारको नाम केन्द्रलाई सिफारिस गरेको हो ।
गत भदौ २६ गते त्यहाँबाट निर्वाचित सांसद सुवास नेम्वाङको निधन भएपछि त्यहाँ उपचुनाव हुन लागेको हो । चैत २४ गते उम्मेदवारी दर्ताको मिति तय गरिएको छ ।
यस अघि सो क्षेत्रका लागि नेपाल आदीवासी जनजाति पत्रकार महासंघका महासचिव मिलन लिम्बुले स्वतन्त्र उम्मेदवारी घोषणा गरिसकेका छन ।
Categorized in राष्ट्रिय
