काठमाडौं । नेपाली तेक्वान्दोका आयशा शाक्यले सोमबार भारतसँग भएको प्रतिस्पर्धामा स्वर्ण जितेकी छिन ।
शाक्यले तेक्वान्दोको महिला पुम्सेको ३० वर्ष भन्दा माथि विधामा भारतकी खेलाडीलाई पछि पारेर स्वर्ण जितिन ।
स्कोरबोर्डमा भारतीय खेलाडीलाई पछि पारेपछि उनी एकदमै भावुक बनेकी थिईन । आयशाले रिङको वरिपरि नेपाली झन्डा काँधमा राखेर घुमेकी थिइन ।
यस अघि सन २०१६ मा भारतमा भएको १२औं सागमा आशया रजत पदकमा चित्त बुझाउनु परेको थियो । तर १३ औं सागमा भने उनले स्वर्ण जित्ने लक्ष्य पुरा गरिन ।
आयशा चर्चित तेक्वान्दो खेलाडी दिपक विष्टकी धर्मपत्नी हुन । दुवैले प्रेमपछि विवाह गरेका थिए ।
दिपकले बंगलादेशमा भएको सागमा लागतार चार स्वर्ण जितेर कीर्तिमान बनाएपछि संन्यास लिएका थिए ।
Categorized in मनोरन्जन