काठमाडौं । नेपाल टेलिकमले ग्राहकलाई आफ्नै नामको सिम प्रयोग गर्न सुझाव दिएका छन ।
टेलिकमकी प्रवक्ता प्रतिभा बैद्यका अनुसार टेलिकमले अबदेखि आफ्नै नामको सिम बोक्नुपर्ने नयाँ व्यवस्था गरेको छ ।
नियामक निकाय दुरसञ्चार प्राधिकरणले अबदेखि मोबाइल नम्बरलाई नै व्यक्तिको पहिचान कोड बनाउने तयारी गरेकोले ग्राहकलाई आफ्नै नाममा दर्ता भएको सिम मात्रै प्रयोग गर्न भनेको हो ।
डिजिटल पेमेन्ट आईडि, अनलाईन पेमेन्ट, लगायतको प्रयोग बढेकोले यस्ता सिस्टमसँग मोबाईल नंबर लिकं गराउँदा बिभिन्न समस्या हुनेगरेकोले आफ्नै नाममा दर्ता भएको सिम प्रयोग गर्न अनुरोध गरेको प्रवक्ता प्रतिभा वैद्यले बताईन ।
पछिल्लो समय अरुको नाममा दर्ता भएको सिम विभिन्न अपराधिक गतिविधिमा प्रयोग भईरहेकोले सो गतिविधि रोक्न नयाँ व्यवस्था गरेको प्रवक्ता बैधले जानकारी दिईन ।
ग्राहकले आफ्नो नामको नम्बर थाहा पाउन *९२२# डायल गर्नुपर्ने हुन्छ । यदि कसैले बोकेको सिम अरुको नाममा दर्ता भएको भए टेलिकमका शाखा कार्यालय बाट आफ्नो नाममा दर्ता गराउन सकिने बताएको छ ।
Categorized in प्रबिधि