आज सुनको मूल्यले बनायो नयाँ रेकर्ड, तोलाको कति ?
काठमाडौं । सुनको मूल्यमा आज उच्च बृद्धि भएको छ ।
विहिवार सुनको मूल्यले नयाँ रेकर्ड बनाएको हो । आज छापावाला सुन प्रतितोला १ लाख ११ हजार ८ सयमा कारोवार भईरहेको नेपाल सुनचाँदी व्यवसायी महांघले जनाएको छ ।
यस अघि २०७९ चैत २२ गते हालसम्मकै उच्च मूल्यमा सुनको कारोबार भएको । त्यसदिन प्रतितोला एक लाख ११ हजार रुपैयाँमा कारोबार भएको थियो ।
बुधबार तोलामा एक हजार आठ रुपैयाँ बढेको सुनको मूल्य आज प्रतितोला एक हजार दुई सय रुपैयाँ बढेको हो ।
महासंघका अनुसार तेजाबी सुन प्रतितोला एक लाख ११ हजार २५० रुपैयाँमा कारोबार भइरहेको छ ।
बुधबार छापावाल सुन प्रतितोला एक लाख १० हजार छ सय रुपैयाँ र तेजाबी सुन प्रतितोला एक लाख १० हजार ५० रुपैयाँमा कारोबार भएको थियो।
आज चाँदी प्रतितोला १४ सय ४५ रुपैयाँमा कारोबार भइरहेको छ । चाँदी प्रतिोला रु २० बढेको छ । हिजो प्रतितोला १४ सय २५ रुपैयाँमा कारोबार भएको थियो ।
Categorized in बजार
