काठमाडौं । भक्तपुरको नयाँ सल्लाघारबाट काठमाडौंको भोटाहिटीसम्म तानेर ल्याएको यःसिं नगर प्रवेश गराईने भएको छ ।
शनिवार विहान शुुभसाईनत १० बजेर ३९ मिनेटमा भोटाहिटीबाट तानेर यःसिं हनुमानढोका ल्याइने कार्यक्रम रहेको छ भने ९ गते मंगलवार १०ः३७ बजे इन्द्रध्वोजत्थान हुने छ ।
यस अघि येँया (इन्द्रजात्रा) को समय तालिका सार्वजनि गरिएको छ भने रुट पनि सार्वजनिक गरिएको छ ।
असोज ११ गते इन्द्रजात्रा रथ मार्ग अन्तर्गत क्वने याः (तल्लो टोल)मा कुमारी रथ यात्रा गराईने छ । सो अन्तर्गत पर्ने रुटहरुमा हनुमानढोका दरवार परिसर– अटकोनारायण– चिकँमुुगल– माजिपात– जोशीदेगः– लगन–गोफल– ब्रम्हटोल–वन्डे– हुमत–क्वाहिटी– तब्वमार्ग– भिमसेनथान– मरुटोल– हनुमानढोका दरवार परिसर हुनेछ ।
त्यसैगरी, असोज १२ गते थने याः (माथिल्लो टोल) अन्गर्त हनुमानढोका दरवार परिसर– प्याफः– यतखा – नरदेवी– टेङग– न्हयोखा– थायमुदु– न्हैकन्तला– असँ(असन चोक)– बालकुमारी– केलटोल– वघः(इन्द्रचोक)– मखन– हनुमानढोका परिसरसम्म यात्रा हुनेछ ।
असोज १५ गते नानिचा याः रुट अन्तर्गत हनुमानढोका दरवार परिसर– प्याफः– यतखा – नरदेवी– किलाधः– भेडासिंह– केलटोल– वघः(इन्द्रचोक)– मखन– हनुमानढोका परिसरसम्म यात्रा हुनेछ ।
असोज १५ गते सोमवार नानिचा यात्रा, सोही दिन राती ८ः१५ बजे इन्द्रध्वज पतन गरिने कार्यक्रम रहेको छ ।
फाइल तस्वीरः महानगरखबर
Categorized in सम्पदा/संस्कृति