काठमाडौं । सुनको मूल्यले आज मंगलवार फेरि नयाँ रेकर्ड बनाएको छ ।
नेपाल सुनचाँदी व्यवसायी महासंघका अनुसार आज बजार छापावाला सुन प्रतितोला १ लाख ३९ हजार २ सय रुपियाँमा कारोवार भइरहेको छ ।
यस अघि शुक्रवार १ लाख ३९ मूल्य कायम रहेको सुनमा २ सय रुपियाँ बढेर नयाँ रेकर्ड बनाएको छ ।
यो मूल्य नेपाली बजारमा सुन हालसम्मकै उच्च मूल्य हो ।
आज तेजाबी सुन भने प्रतितोला एक लाख ३८ हजार पाँच सय ५० रूपैयाँमा कारोबार भइरहेको महासंघले जनाएको छ ।
सोमबार छापावाल सुन प्रतितोला एक लाख ३७ हजार पाँच सय रूपैयाँमा कारोबार भएको थियो ।
मंगलबार चाँदीको मूल्य पनि बढेको छ । हिजो प्रतितोला एक हजार सात सय १५ रूपैयाँमा कारोबार भएको चाँदीको मूल्य आज प्रतितोला एक हजार सात सय ५० रूपैयाँ पुगेको छ ।
Categorized in बजार