आज नेवाः समुदायको भाषिक अधिकार खोसिएको दिन, बसन्तपुर प्रदर्शन (फोटो फिचर)
काठमाडौं । काठमाडौं उपत्यकाका नेवाः समुदायले जेठ १८ लाई कालो दिनको रुपमा मनाएका छन ।
विहिवार बसन्तपुरमा उपत्यकावासी नेवाः समुदायले कालो ब्यानरमा प्ले कार्डसहित विरोध गरेका छन । आजको दिन भाषिक अधिकार खोसिएको दिन भन्दै चर्को विरोध गरेका हुन ।
उनीहरुले कालो ब्यानरमा जेठ १८ गते भाषिक कालो दिन आदीवासी जनजाति एकता जिन्दावाद पहिचान पक्षधर एक हौ, नेपाल भाषालाई सरकारी कामकाजीको रुपमा लागु गर लगायतका नाराहरु लगाई प्रदर्शनमा उत्रेका थिए ।
नेवाः देय दबु, असन कोथुननि बचाउ अभियान, आदीवासी नेवाः राजनीतिक अभियान लगायतका नेवाः संघ, संस्थाहरुको व्यानरसहित सहभागि भएका थिए ।
सो अवसरमा दबूका अध्यक्ष पवित्र बज्राचार्य, उमेश स्थापित, माओवादी नेता दिलिप महर्जन, हिसिला यमी लगायतका व्यक्तिहरु प्रदर्शनमा सहभागी भएका थिए ।
२०५६ साल जेठ १८ गते सर्वोच्च अदालतले काठमाडौं महानगरपालिका, धनुषा र राजविराजमा स्थानीय निकायमा मातृभाषालाई कामकाजी भाषाको रुपमा दिएको अधिकारलाई खारेज गरेका थिए ।
तस्वीरहरुः बिज्जु श्रेष्ठ/महानगरखबर
Categorized in सम्पदा/संस्कृति
