काठमाडौं । सहकारी प्रकरणमा पक्राउ परेका पूर्व गृहमन्त्री समेत रहेका राष्ट्रिय स्वतन्त्र पार्टी (रास्वपा) का सभापति रवि लामिछानेसँगको आजको बयान सकिएको छ ।
शुक्रवार विहान काठमाडौं सरकारी वकिल कार्यालयले चार घन्टा बयान लिएको थियो ।
शुक्रबार बिहान १० बजेदेखि अपराह्न ३ बजेसम्म बयान लिइएको थियो। बीचमा एक घन्टा खाना खान समय छुट्टाइएको थियो । आइतबार लामिछानेसँग थप बयान लिइने भएको छ ।
लामिछानेलाई कालिमाटीको स्वर्णलक्ष्मी सहकारीको बचत रकम अपचलन आरोपमा बयान लिएको हो ।
यसअघि सहकारी प्रकरणमा समातिएका पूर्वडिआइजी छविलाल जोशी, कुमार रम्तेललाई काठमाडौं ल्याएर पोखरा फिर्ता लगिएको छ ।
रास्वपा सभापति लामिछानेलाई सहकारी ठगी र संगठित अपराध कसुरमा गत कात्तिक २ गते काठमाडौंबाट पक्राउ गरी प्रहरीले अनुसन्धानको लागि पोखरा लगेको थियो ।
निर्वाचन आयोगले कीर्तिपुर नगरपालिकाको मेयर पदका २ उम्मेदवारलाई लियो स्पष्टीकरण
निर्वाचन आयोगले कीर्तिपुर नगरपालिकाको मेयर पदका माओवादी केन्द्रका उम्मेदवार शिवशरण महर्जन र स्वतन्त्र उम्मेदवार राजमान महर्जनलाई स्पष्टीकरण सोधेको छ ।
आयोगले प्रचार प्रसारको क्रममा अनुगमन गर्दा आचार संहिता विपरीत कार्य गरेकाले स्पष्टीकरण सोधेको जनाएको छ ।
‘अनुगमन टोली आउँदा आचारसंहिता विपरीत गतिविधि देखिएको हुँदा स्पष्टीकरण सोधिएको हो ।’
कीर्तिपुरमा दल र स्वतन्त्र गरी २० जना मेयर पदमा प्रतिस्पर्धा गर्दै छन । एकीकृत समाजवादीका भानु रिजालले माओवादी केन्द्र शिवशरण र स्वतन्त्र उम्मेदवार नरेश श्रेष्ठले अर्का स्वतन्त्र उम्मेदवार राजमानलाई सघाउने निर्णय लिएका छन ।
मंसिर १६ गते आइतबार काठमाडौमा कीर्तिपुर र काठमाडौ– १६ वडासहित देशभरी ४४ स्थानमा मतदान हुँदैछ ।
समाजिक सञ्जालमा भ्रम फैलाई कार्वाह गर्ने गृहको चेतावनी
गृह मन्त्रालयले शुक्रवार एक सुचना जारी गरी सामाजिक सञ्जालमार्फत भ्रम फैलाउनेलाई कारबाही गर्ने बताएको छ ।
‘जो कोही व्यक्तिले जहाँसुकै रहेर गरे गराए पनि कानुनद्वारा बर्जित र दण्डनीय त्यस्ता गतिविधिलाई कानुनी दायरामा ल्याइने भएकोले त्यस्तो कार्य नगर्न नगराउनु हुन सम्बन्धित सबैमा सादर अनुरोध छ,’ गृह मन्त्रालयको सूचनामा उल्लेख छ ।
पछिल्लो समय सामाजिक सञ्जालमार्फत सार्वजनिक शान्ति सुव्यवस्थामाथि खलल पुग्ने गरी घृणाजन्य अभिव्यक्ति फैलाउने काम भइरहेको भन्दै गृह मन्त्रालयले त्यस्ता व्यक्तिलाई कानुनी दायरामा ल्याउने जनाएको हो ।
विज्ञप्तीः
Categorized in समाज
