काठमाडौं । दक्षिण एसियाली फुटबल महासंघ (साफ) यु–२० च्याम्पियनसिप आइतवार (आज) देखि सुरु हुँदैछ ।
सातदोबाटोस्थित एन्फा कम्प्लेक्समा दिउँसो ३ बजे पहिलो खेल समूह ए मा रहेका नेपाल–श्रीलंकाविच सुरु हुने अखिल नेपाल फुटवाल संघ (एन्फा) ले जनाएको छ ।
६ टोली सहभागी प्रतियोगिताको उद्घाटन खेलमा घरेलु टोली नेपालले श्रीलंकासँग खेल्न लागेको हो ।
लगातार दोस्रोपटक प्रतियोगिता आयोजना गरिरहेको नेपाल यसपटक उपाधि जित्ने लक्ष्यमा छ ।
नेपाली टोली कुशल देउवाको कप्तानीमा खेलाडीहरु मैदानमा उत्रिन लागेको हो । मैदान नेपाली टोलीमा यसपटक डिभिजन लिग र एनएसएल खेलेका खेलाडीहरू हुँदा टिम अनुभवी बनेको छ ।
यस्तै राष्ट्रिय टिमबाट खेलिसकका फरवार्ड समिर तामाङ पनि टिममा छन । समूह ए मा नेपाल र श्रीलंकासहित बंगलादेश छ भने साविक विजेता भारतसहित भुटान र माल्दिभ्स समूह बी मा छन ।
Categorized in मनोरन्जन
