काठमाडौं । सरकारले मंगलवार राजधानी काठमाडौंलाई खुला दिसामुक्त जिल्ला घोषणा गर्दैछ ।
दिउँसो २ बजे भृकुटीमण्डपस्थित राष्ट्रियसभा गृहमा एक औपचारिक कार्यक्रम गरी काठमाडौंलाई खुला दिसामुक्त जिल्ला घोषणा गरिन लागिएको हो ।
यस अघि उपत्यकाको भक्तपुरलाई २०७० साल कात्तिकमा र ललितपुरलाई २०७५ जेठमा खुला दिसामुक्त घोषणा गरिएको थियो ।
सरकारले गर्ने यस निर्णयले भने काठमाडौंमा अझै खुला दिसामुक्त जिल्ला हुने आशंका रहेको छ ।
राजधानीमा सार्वजनिक शौचालय अभाव उत्तिकै रहेके छ र भएको पनि व्यवस्थित नभएकाले खुला दिसामुक्त घोषणा कार्यान्वयन हुनेमा शंका छ ।
त्यसैगरी महोत्तरी र कपिलवस्तु जिल्लालाई पनि खुला दिसामुक्त घोषणा गर्न लागिएको हो । सरकारले सरसफाइ गुरुयोजना २०६८ लागू गरेर खुला दिसामुक्त अभियान सुरु गरेको थियो ।
सरकारले यही असोज १३ गते नेपाललाई खुला दिसामुक्त देश घोषणा गर्ने तयारी गरेको छ ।
Categorized in स्वास्थ्य