आजदेखि पाटन दरवार क्षेत्रको मन्दिरमा बस्न निषेध
काठमाडौं । ललितपुर महानगरपालिकाले पाटन दरवार स्क्वायरका तत्काल २ वटा मन्दिरमा बस्न निषेध गरेको छ ।
आज (शनिबार) देखि विश्वनाथ मन्दिर र हरिशंखर मन्दिरमा बस्न निषेध गरिएको महानगर प्रहरी प्रमुख सीताराम हाथेछुले बताए ।
मन्दिरहरुमा वसेर जोडीहरुले अनैतिक क्रियाकलाप गरेको भन्ने स्थानीयको गुनासो आएपछि महानगरले ती मन्दिरहरुमा बस्न निषेध गरेको हो ।
शुक्रवार मात्र स्थानीयले मन्दिर परिसमा जोडीहरुले गर्ने गरेको अनैतिक गतिविधि विरुद्ध विरोध गर्दै त्यस्ता जोडीहरुलाई धपाएका भिडियो पनि समाजिक सञ्जालमा देखिएको छ ।
सो गतिविधि अबदेखि नहुन महानगर प्रमुख चिरिबाबुु महर्जनले मन्दिरमा बस्न रोक लगाउन निर्देशन दिएपछि मन्दिरमा अहिले ‘नो इन्ट्री’ को बोर्ड राखिएको हाथेछुले बताए ।
अहिले मन्दिर परिसरमा अनैतिक गतिविधि हुन थालेको भन्दै महानगरले बिहान ७ बजेदेखि बेलुकी ८ बजेसम्मको लागि मन्दिरहरूमा महानगर प्रहरी खटाउन लागेको छ ।
दरबार स्क्वायर क्षेत्रमा सिसिटिभीबाट पनि निगरानी गरिएको हाथेछुले जानकारी दिए ।
Categorized in सम्पदा/संस्कृति
