काठमाडौं । नेपाल आयल निगमले पेट्रोलियम पदार्थको मूल्य समायोजन गरेको छ ।
भारतीय आयल कर्पोरेसन (आइओसी) ले आइतबार पठाएको खरिद मूल्यअनुसार निगमले नयाँ मूल्य तोकेको हो ।
निगमले सोमबार राति १ बजेदेखि लागू हुने गरी डिजेल तथा मट्टितेलमा प्रतिलिटर ४ रुपैयाँ, आन्तरिकतर्फको हवाई इन्धनमा प्रतिलिटर १ रुपैयाँ र अन्तर्राष्ट्रिय हवाई इन्धनमा प्रतिकिलोलिटर अमेरिकी डलर ७ ले मूल्य घटाएको जनाएको छ ।
पेट्रोल र एलपी ग्यासको खुद्रा मूल्य भने यथावत राखिएको निगमले जानकारी दिएको छ ।
नयाँ मूल्य सूची
पहिलो वर्ग (चारआली, विराटनगर, वीरगन्ज, जनकपुर, अमलेखगन्ज, भलवारी, नेपालगन्ज, धनगढी): डिजेल–मट्टितेल प्रतिलिटर १४२ रुपैयाँ ५० पैसा
दोस्रो वर्ग (सुर्खेत, दाङ): प्रतिलिटर १४४ रुपैयाँ
तेस्रो वर्ग (काठमाडौं, पोखरा, दिपायल): प्रतिलिटर १४५ रुपैयाँ
त्यस्तै, आन्तरिकतर्फ हवाई इन्धनको मूल्य प्रतिलिटर १२७ रुपैयाँ निर्धारण भएको छ। अन्तर्राष्ट्रिय हवाई इन्धन काठमाडौंका लागि प्रतिकिलोलिटर ९६६ अमेरिकी डलर, पोखराका लागि ७७२ डलर र भैरहवाका लागि ६५९ डलर तोकिएको छ ।
Categorized in बजार
