काठमाडौं । काठमाडौंको इन्द्रचोकस्थित आकाश भैरब मन्दिर तल रहेको पसलहरु खाली गरिएको छ ।
मन्दिर तल रहेका ४ वटा लस्सी पसल, २ वटा जुत्ता पसल र एक मोवाईल पसल १८ गते विहिवारबाट पूर्ण रुपमा खाली गरिएको हो ।
विगतदेखि नै मन्दीर तलको पसललाई लिएर स्थानीय, अभियान्ताहरुले पसल हटाउन आग्रह गर्दै आएको थिए । मन्दिर तल पसल राख्दा फोहोर हुने, राम्रो पनि नदिने उनीहरुको भनाई थियो ।
सो पसलहरु हटाउन यस अघिनै सरोकारवाल निकाय हनुमानढोका दरवार संरक्षण समितिले पनि पत्राचार गरिसकेको थियो ।
पसलहरुको कारण मन्दिर परिसरमा एकदमै भिडभाड हुने साथै ट्राफिक व्यवस्थानमा अप्ठेरो पर्ने गरेको थियो ।
Categorized in सम्पदा/संस्कृति