काठमाडौं । आईसीसी यू–१९ महिला टी–२० विश्वकपको आफ्नो पहिलो खेलमा नेपालको हार भएको छ ।
बंगलादेशले नेपाललाई ५ विकेटले हराएको हो । नेपालले दिएको ५३ रनको लक्ष्य बंगलादेशले १३.२ ओभरमा ५ विकेटको क्षतिमा पूरा गर्यो । बंगलादेशका लागि सादिया अक्तरले १६ रन बनाइन् । कप्तान सुमैया अक्तरले १२ रन बनाइन् भने अफिया अशिमाले अविजित ९ रन बनाइन् ।
नेपालका लागि रचना चौधरी, रिया शर्मा, पुजा महतो र सिमाना केसीले एक–एक विकेट हात पारे ।
नेपालले दोस्रो खेलमा स्कटल्याण्डसँग सोमबार खेल्ने छ ।
18 January 2025, Saturday
Categorized in मनोरन्जन
