आइतवार सुनको मूल्य उच्च, फेरि बनायो नयाँ रेकर्ड
प्रकाशित: आइतवार, १७ मंसिर २०८०, १६ः३० बजे
- महानगरखवर
काठमाडौं । आइतवार सुनको मूल्यमा फेरि बृद्धि भएको छ । आज प्रतितोला एक हजार आठ सय रूपैयाँ बढेपछि मूल्यले फेरि नयाँ रेकर्ड बनाएको छ ।
नेपाली बजारमा आज छापावाल सुन प्रतितोला प्रतितोला एक लाख २० हजार आठ सय रूपैयाँ र तेजाबी सुन प्रतितोला एक लाख २० हजार दुई सय रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
महासंघका अनुसार यस अघि शुक्रबार तोलामा तीन सय रूपैयाँ घटेको थियो । उक्त दिन सुनको मूल्य छापावाल सुन प्रतितोला एक लाख १९ हजार रूपैयाँ र तेजाबी सुन प्रतितोला एक लाख १८ हजार चार सय ५० रूपैयाँमा कारोबार भएको थियो ।
आइतबार चाँदीको मूल्य पनि बढेको छ । आज प्रतितोला १ हजार पाँच सय ४५ रूपैयाँमा किनबेच भइरहेको छ ।
Categorized in बजार
