अस्पताल भर्ना भएका काठमाडौं महानगरका पूर्व प्रमुख पिएल सिंहको पेटको शल्यक्रिया
प्रकाशित: सोमवार, १५ साउन २०८०, १२ः३० बजे
- महानगरखबर
काठमाडौं । आइतवार अस्पताल भर्ना भएका काठमाडौं महानगरपालिकाका पूर्वप्रमुख पिएल सिंहको पेटको शल्यक्रिया गरिएको छ ।
ललितपुरस्थित मेडिसिटी अस्पतालमा सिंहको पेटको शल्यक्रिया गरिएको सिंहका भाई इन्द्रलाल सिंहले बताएका छन । सिंह केही समयदेखि अल्सरको समस्याबाट पीडित थिए ।
उनले भने,‘ थप अनुसन्धानको लागि बायोप्सी गरिएको छ । पहिलो चरणको उपचार प्रक्रिया सफल भई दाईको अवस्था स्थिर छ र हाल आईसीयूमा हुनुुहुन्छ ।’
शल्यक्रिया पछि सिंहको रक्तश्राव रोकिएको उनले बताए ।
सिंह २०४९ सालमा भएको स्थानीय चुनावमा नेपाली कांग्रेसबाट उम्मेदवार भई प्रमुखमा चुनिएका थिए । हाल उनी ८४ बर्षका छन ।
Categorized in समाज
