काठमाडौं । अमृत साइन्स क्याम्पस (अस्कल) को स्वतन्त्र विद्यार्थी युनियन निर्वाचनमा नेकपा (एमाले) निकट अनेरास्ववियुको प्यानल नै बिजय भएको छ ।
आइतबार विद्युतीय उपकरणमार्फत् भएको मतदानमा अनेरास्ववियुका रुद्रहरि पोखरेलको प्यानल निर्वाचित भएको हो ।
माओवादी केन्द्रनिकट अखिल क्रान्तिकारीका विश्राम शर्मा पौडेललाई ३२६ मतान्तरले पोखरेलले पराजित गरेका हुन । पोख्रेलले ६८९ मत पाएका छन ।
स्ववियु अध्यक्षमा पोखरेल, सचिवमा गोपालबहादुर शाही र कोषाध्यक्षमा विवेक कोइराला निर्वाचित भएका छन ।
त्यस्तै सदस्यहरूमा गोकर्ण साउद, गणेश शाही, विनय ढकाल, सिजन पन्त, साधना सिग्देल, प्रसन्न चिलवाल र गृश्मा पन्त विजयी भए ।
कूल १९४८ मतदाता रहेको अस्कल क्याम्पसमा १२९१ मत खसेको थियो ।
23 March 2025, Sunday
Categorized in राष्ट्रिय
