असोजभित्र शैक्षिक प्रमाणपत्र धितोमा ऋण दिने सरकारको तयारी
प्रकाशित: शुक्रबार, ४ साउन २०७५, ११ः५९ बजे
- महानगरखबर
काठमाडौं । चालु आर्थिक बर्षमा सरकारले प्रस्तुत गरेको बजेट व्यक्तव्यमा लोकप्रिय कार्यक्रम शैक्षिक प्रमाणपत्र राखेर ऋण दिने तयारी सरकारले गरिरहेको छ ।
यही असोजभित्र ऋण दिने तयारी गरिरहेको अर्थमन्त्रालयले जनाएको छ । अर्थमन्त्रालयले शैक्षिक प्रमाणपत्र धितोमा राखेर ऋण दिने व्यवस्थाका लागि कार्यविधि निर्माण भईरहेको बताएको छ ।
असोज महिनाबाट यस कार्यक्रम लागु हुने अर्थमन्त्रालयको अधिकारीहरुले जनाएको छ । कार्यविधि तयार भएपछि बैंकहरुले ऋण दिने प्रक्रिया सुरु गर्ने मन्त्रालयको भनाई छ ।
चालु आर्थिक वर्षको बजेटमा शैक्षिक प्रमाणपत्र धितोमा राखि ५ प्रतिशत ब्याजमा ७ लाखसम्म ऋण दिने उल्लेख छ ।
मन्त्रालयले मंगलबार कार्ययोजना सार्वजनिक गर्ने भएको छ ।
Categorized in जीवनशैली
