काठमाडौं । गत असोजमा आएको अविरल बर्षापछि बाढी पहिरोबाट भएको क्षतिमा १० अर्ब रुपैयाँभन्दा बढीको बीमा मागदाबी गरिएको छ ।
नेपाल बीमा प्राधिकरणले २१ कात्तिकसम्म ३ हजार ४ सय ६० वटा दाबी संख्याबाट कुल १० अर्ब ५३ करोड २८ लाख रुपैयाँ बराबर मागदाबी भएको जनाएको छ ।
गत असोजको दोस्रो सता १० देखि १२ असोजसम्मको भारी वर्षापछिको बाढी–पहिरोका कारण बागमती प्रदेशका जिल्लामा बढी क्षति पुगेको बीमा मागदावीबाट स्पष्ट देखाएको छ ।
काठमाडौं उपत्यकाको दक्षिणी ललितपुर र नख्खु खोलाले ललितपुरमा ठूलो क्षति पुराएको थियो ।
प्राधिकरणले सार्वजनिक गरेको बीमा माग दाबीको तथ्यांक अनुसार सबैभन्दा धेरै क्षति काठमाडौंमा भएको छ । काठमाडौमा मात्रै ४ अर्ब ४८ करोड ५६ लाख ७६ हजार रुपैयाँको मागदाबी परेको बीमा प्राधिकरणको तथ्यांक छ ।
त्यसपछि ललितपुर, मकवानपुर, काभ्रेपलाञ्चोक र भक्तपुरमा क्षति पुगेको छ । ललितपुरमा ६ सय ७७ दाबी मार्फत २ अर्ब ४२ करोड ४३ लाख रुपैयाँको मागदाबी परेको छ ।
मकवानपुरमा ३२ दाबी मार्फत १ अर्ब ९ करोड २३ लाख, चितवन ४६ दाबी मार्फत ६४ करोड ४६ लाख, भक्तपुर १ सय ३८ दाबी मार्फत ४७ करोड ७१ लाख र काभ्रेपलाञ्चोकमा १ सय ८७ दाबी मार्फत ३० करोड ९२ लाख रुपैयाँको मागदाबी परेको छ ।
बीमा दावी रकम हेर्न यहाँ क्लिक गरौ
Categorized in बैंक
