काठमाडौं । असन कोथननि बचाउन र छयाँ सेन्टर विरुद्ध असन चोकमा शनिवारदेखि वृहत हस्ताक्षर अभियान सुरु भएको छ ।
असन कोथुननिका सजिब बज्राचार्यले दिएको जानकारी अनुसार विहानदेखि उल्लेखिय संख्यामा हस्ताक्षकरकर्ताहरु आईरहेको बताएका छन ।
उपत्यकाका तिनै जिल्ला काठमाडौ, भक्तपुर र ललितपुरको सम्पदा क्षेत्रमा हस्ताक्षर अभियान चलाउने संयोजक सायमीले जानकारी दिएको छ ।
हस्ताक्षर अभियानमा सम्पदा प्रेमी, स्थानीयवासी, सरोकारवाहरुसँगै सर्वसाधरण सबैले सहयोग गर्ने सायमीले विश्वास व्यक्त गर्दै १० हजार भन्दा बढि हस्ताक्षर संकलन गरिने बताए ।
राज्यले स्थानीय सम्पदा, गुठी घर, सम्पदा क्षेत्रमा विकासको नाममा हस्तक्षेप गरिरहेको सम्पदा अभियन्ताहरुको आरोप रहेको छ ।
असन घडी घर (कोथुननि) पनि ऐतिहासिक महत्व बोकेको सम्पदा भएको सायमीको भनाई छ । उनले भने, ‘ कोथुननिमा पुस्तै पुस्तादेखि बस्दै आएको १४ परिवारले कोथुननिको महत्वलाई जोगाई राखेको छ तर आज अचानक गुठी संस्थान त्यहाँ व्यापरिक कम्पलेक्स बनाउन लालायित देखिएको छ ।’
यस अघि समतिले असन चोकमा सभासद, जनपप्रतिनिधि, सरोकारवालाहरुको बृहत उपस्थितीमा सभा गरेको थियो ।
सायमीले दिएको जानकारी अनुसार असन कोथुननि सँगै ठमेलको कमलपोखरी मासेर बनाएको छायाँ देवि कम्पलेक्सविरुद्ध पनि यो हस्क्षार अभियान भएको बताए ।
ऐतिहासिक, धार्मिक, सांस्कृतिक तथा पुरातात्विक महत्व बोकेको कमल पोखरी मासेर व्यापापरिक कम्लेक्स छायाँ सेन्टर निर्माण भएदेखि यो विवादीत बनेको छ ।
सम्पदा अभियान्ताहरुले यसविरुद्ध यस अघि विभिन्न चरणको आन्दोलन गरिसकेको छन ।
Categorized in सम्पदा/संस्कृति